पावसाळ्यापूर्वी माजी मालगुजारी तलाव दुरुस्तीची कामे जलदगतीने पूर्ण करा-आ. सुधीर मुनगंटीवार
बल्लारपूर मतदारसंघातील विविध तलावांच्या दुरुस्ती कामांना वेग देण्याचे निर्देश
लोकवाद
दुर्योधन घोंगडे मूल : गतवर्षी अतिवृष्टीमुळे तलाब फुटून बोडों व चिचपल्ली गावांमध्ये निर्माण झालेल्या पूरपरिस्थितीच्या पार्श्वभूमीवर, अशा आपतीची पुनरावृत्ती टाळण्यासाठी आगामी पावसाळ्यापूर्वी बल्लारपूर विधानसभा मतदारसंघातील माजी मालगुजारी तलावांची दुरुस्ती जलदगतीने पूर्ण करण्याचे निर्देश राज्याचे माजी वने, सांस्कृतिक कार्य व मत्स्य व्यवसाय मंत्री तथा आमदार सुधीर मुनगंटीवार यांनी सिंचाई विभागास दिले.
नियोजन भवन येथे मामा तलाव व लपा तलावा संदर्भातील आढावा बैठकीचे आयोजन करण्यात आले होते. या वेळी आमदार मुनगंटीवार बोलत होते. बैठकीस कार्यकारी अभियंता लघुपाटबंधारे विभागाचे संदीप खांबाईत, माजी जिल्हा परिषद अध्यक्षा संध्याताई गुरनुले, प्रदेश महामंत्री अल्का आत्राम, महामंत्री डॉ. मंगेश गुलवाडे, सुरज पेटूलबार आदी उपस्थित होते.
आमदार श्री. मुनगंटीवार यांनी मतदारसंघातील विविध तलाव दुरुस्ती कामांना गती देण्याचे निर्देश दिले. कसरगट्टा (६.२५ लाख), बोर्ड बोरकर (६.३० लाख) आणि चेक आंबेधानोरा (१० लाख) या दुरुस्ती कामांना मंजुरी देण्यात आली असून, तिन्ही कामांसाठी तीन दिवसांची निविदा प्रक्रिया राचवून तात्काळ कामे सुरू करावीत, असे निर्देश त्यांनी दिले. मागील वर्षी बोर्डा व चिचपल्ली येथे तलाव फुटून पुरस्थिती निर्माण झाल्यामुळे यंदा विशेष दक्षता घेण्यावर भर देण्यात येणार आहे.
दाबगाव मक्ता व आलेबाही येथील मामा तलाबांच्या दुरुस्तीचे अंदाजपत्रक तत्काळ तयार करावे. तसेच दाबगाव तुकूम, आलेवाही नवरगाव (सर्वे नं. १०), कांतापेठ रयतवारी (सर्वे नं. ३५), चिचपल्ली, मुरमाडी (सर्वे नं. ३९), विहीरगाव येथील मामा तलावांच्या दुरुस्ती कामांसाठी कार्यदिश आधीच जारी करण्यात आले आहेत. काही कामांना सोमवारपासून कार्यारभआदेश देण्याचे सुचविण्यात आले आहे. मामला तलाव गेट दुरुस्तीचे काम तातडीने हाती घ्यावे. सर्व उर्वरित कामांना २७ मे पर्यंत मंजुरी मिळवण्याचे निर्देश आमदार मुनगंटीवार यांनी दिले.
विभागाने बल्लारपूर मतदारसंघातील सर्व तलाबांची यादी तयार करून, त्यांच्या सिंचन क्षमतेसह दुरुस्तीची गरज, खोलीकरण इत्यादी बाबींचे सविस्तर निरीक्षण करून संबंधित विभागाचे रीमार्क्स घावेत. प्रत्येक तलाबाची एकत्रित सिंचन क्षमता व खर्चाचे अंदाजपत्रकाची माहिती सादर करावी. चिचाळा-कवडपेठ दरम्यान नव्याने बांधलेल्या तलावाच्या वेस्ट वेअरची उंची जास्त असल्यामुळे यासंबंधी आवश्यक ती कार्यवाही करण्यात यावी. बोर्डा तलावाचे अंदाजपत्रक सोमवारी तयार होणे अपेक्षित आहे. मोलझरी तलाबासाठी यापूर्वी ३ कोटी निधी उपलब्ध करून देण्यात आला होता. उर्वरित कामांसाठी लवकरच स्वतंत्र बैठक आयोजित करण्यात येणार असल्याचे आमदार मुनगंटीवार यांनी सांगितले.
