महाराष्ट्र भूषण आ. सुधीरभाऊ मुनगंटीवार यांच्या नेतृत्वात भाजपच्या प्रा. किरण कापगते यांच्या प्रचाराचा झंझावात
लोकवाद गौतम जीवने मूल : होऊ घातलेल्या नगरपरिषद सार्वत्रिक निवडणुकीच्या पार्श्वभूमीवर महाराष्ट्र भूषण माजी मंत्री आ. सुधीरभाऊ मुनगंटीवार यांच्या नेतृत्वात भाजपच्या प्रा. किरण कापगते यांच्या प्रचाराचा झंझावात सुरू असून मूल शहरात नव्या विचारांच्या नेतृत्वाबाबत मोठी चर्चा होताना दिसत आहे. नागरिकांच्या अपेक्षा आता केवळ विकासकामांपुरत्या मर्यादित न राहता, पारदर्शकता, प्रशासनातील संवेदनशीलता आणि सुशिक्षित या नेतृत्वाकडे झुकताना दिसत आहेत.या पार्श्वभूमीवर शहरातील शिक्षित, सक्षम आणि सामाजिक कार्यात सक्रिय असलेल्या प्रा. किरण किशोर कापगते या नावाची चर्चा शहरात सर्वत्र होत आहे.
उच्च शिक्षण घेतलेल्या आणि समाजसेवेच्या क्षेत्रात ओळख निर्माण केलेल्या किरण कापगते या भारतीय जनता पक्षाकडून नगराध्यक्ष पदाचे उमेदवार आहेत. शहरात किरण कापगते यांच्या नेतृत्वाविषयी सर्व जाती धर्मातील महिला आणि युवक वर्गात उत्सुकता व्यक्त केली जात आहे.
सुशिक्षित महिलांनी प्रशासनात सहभागी व्हावे, निर्णय प्रक्रियेत महिलांचा आवाज वाढावा, ही लोकांची भावना होती ती प्रा. किरण कापगते यांच्या अध्यक्ष पदाच्या रूपाने पूर्ण होणार असल्याचे भावनिक उद्गार शहरात व्यक्त केल्या जात आहे. मूल शहराने मागील काही वर्षांत वेगाने विकास साधला असला तरी, प्रशासनिक कार्यपद्धतीत नव्या दृष्टिकोनाची आवश्यकता आहे, अशी जनमानसात चर्चा आहे. समाजाशी संवाद साधणारे, सर्वसमावेशक आणि उत्तरदायी नेतृत्व आजच्या काळाची गरज असल्याचे अनेक नागरिकांचे मत आहे.
भाजप पक्षाकडून प्रा. किरण कापगते यांच्या नावाची नगराध्यक्ष पदाकरीता अधिकृत घोषणा झालेली असून नागरिकांमध्ये सुशिक्षित नेतृत्वाच्या अपेक्षा शहर वासियाना पूर्ण होताना दिसत आहेत. शहरातील शिक्षित, सक्षम आणि सामाजिक कार्यात सक्रिय असलेल्या किरण किशोर कापगते यांना जनतेचा मोठ्या प्रमाणात पाठिंबा आहे.
