देसाईगंजमध्ये बळिराजा पाणंद रस्ता योजनेचा आढावा; आमदार रामदास मसराम यांच्या अध्यक्षतेखाली बैठक संपन्न

सोनू वाळके, उपसंपादक, लोकवाद न्युज.

देसाईगंज, २ एप्रिल २०२६ : मुख्यमंत्री बळिराजा शेत पाणंद रस्ते योजनेअंतर्गत सुरू असलेल्या कामांचा आढावा घेण्यासाठी उपविभागीय अधिकारी कार्यालय, देसाईगंज येथे आज बैठक पार पडली. आमदार रामदास मसराम यांच्या अध्यक्षतेखाली झालेल्या या बैठकीत विविध कामांच्या प्रगतीचा सविस्तर आढावा घेण्यात आला.
बैठकीत पाणंद रस्त्यांची सद्यस्थिती, प्रलंबित कामे तसेच कामांना गती देण्याबाबत चर्चा करण्यात आली. शेतकऱ्यांना सुलभ वाहतूक सुविधा उपलब्ध व्हावी यासाठी कामे वेळेत आणि दर्जेदार पद्धतीने पूर्ण करण्याच्या सूचना संबंधित अधिकाऱ्यांना देण्यात आल्या.
यावेळी उपविभागीय अधिकारी प्रसंजित प्रधान, नायब तहसीलदार विलास तुपट, नायब तहसीलदार कुंभरे, तसेच भूमी अभिलेख अधिकारी सेलोकर प्रत्यक्ष उपस्थित होते. आरमोरी विधानसभा क्षेत्रातील सर्व महसूल अधिकारी ऑनलाइन माध्यमातून बैठकीत सहभागी झाले.