सोनू वाळके,उपसंपादक, लोकवाद न्युज.
नागपूर, ता. ३० ऑक्टोबर :
राज्यातील शेतकऱ्यांना कर्जाच्या ओझ्यातून मुक्त करण्यासाठी प्रहार जनशक्ती पक्षाचे नेते आमदार बच्चू कडू यांनी आज नागपूरात भव्य शेतकरी कर्जमाफी मोर्चाचे नेतृत्व केले.राज्याच्या कानाकोपऱ्यातून आलेल्या हजारो शेतकऱ्यांनी ‘कर्जमाफी झालीच पाहिजे!’ या घोषणांनी नागपूर शहर दणाणून सोडले.
-🔹 शेतकऱ्यांच्या न्यायासाठी ‘एल्गार’
हा मोर्चा फक्त आंदोलन नव्हे तर शेतकऱ्यांच्या वेदनेचा एल्गार ठरला.
नागपूरच्या NH-44 महामार्गावर हजारो ट्रॅक्टर आणि आंदोलकांनी ठिय्या दिला.
हातात झेंडे, तोंडात घोषणाबाजी आणि चेहऱ्यावर असंतोष — शेतकऱ्यांचा हा लढा सरकारच्या धोरणांविरुद्धचा रोष स्पष्टपणे दर्शवत होता.
🔹 बच्चू कडूंची ठाम भूमिका
मोर्चादरम्यान बच्चू कडू म्हणाले,
> “शेतकरी हा देशाचा कणा आहे. सरकारने त्याचाच विसर घेतला आहे. आम्ही चर्चेसाठी नाही, तर निर्णयासाठी आलो आहोत. कर्जमाफीचा ठोस निर्णय घेतल्याशिवाय आम्ही नागपूर सोडणार नाही.”
त्यांनी सरकारला इशारा देत सांगितले की, जर शेतकऱ्यांच्या मागण्या तातडीने मान्य केल्या नाहीत, तर हे आंदोलन आणखी तीव्र करण्यात येईल.
—🔹 प्रमुख मागण्या
1) शेतकऱ्यांची पूर्ण कर्जमाफी
2) शेतमालाला हमिभाव दराची हमी
3) शेतमजूर, मेंढपाळ आणि दिव्यांगांच्या जीवनावश्यक योजनांची अंमलबजावणी
—🔹 प्रशासन सावध, नागपूर ठप्प
मोर्चामुळे नागपूरमध्ये वाहतूक विस्कळीत झाली. पोलिसांनी मोठा बंदोबस्त ठेवला असून आंदोलकांशी संवाद साधण्याचे प्रयत्न सुरू आहेत.
दरम्यान, अनेक नागरिकांनी या आंदोलनाला पाठिंबा दर्शवला असून सोशल मीडियावर “शेतकऱ्यांच्या लढ्यास सलाम” असे पोस्ट्स व्हायरल होत आहेत.
—बच्चू कडूंचा हा मोर्चा हे सरकारसाठी एक राजकीय इशारा आहे.
कुंभमेळ्यासाठी कोट्यवधींचा निधी सहज उपलब्ध होतो, पण शेतकऱ्यांच्या अश्रूंना किंमत नाही — ही जनतेच्या मनातील खंत या आंदोलनातून स्पष्ट झाली आहे.
