सोनू वाळके, उपसंपादक,लोकवाद न्युज.
गडचिरोली : गडचिरोली जिल्हा काँग्रेस कमिटीच्या जिल्हाध्यक्षपदी विश्वजित कोवासे यांची नियुक्ती झाल्यानंतर जिल्हाभरातील काँग्रेस कार्यकर्त्यांमध्ये उत्साहाचे वातावरण निर्माण झाले आहे. त्यांच्या नियुक्तीमुळे पक्ष संघटनेला नवी दिशा मिळणार असल्याची भावना कार्यकर्त्यांमधून व्यक्त केली जात आहे.
पक्ष संघटना, जनसेवा आणि युवकांमध्ये मजबूत संपर्क या माध्यमातून विश्वजित कोवासे यांनी मागील अनेक वर्षांपासून पक्षासाठी सातत्याने काम केले आहे. विविध जबाबदाऱ्या यशस्वीपणे सांभाळत त्यांनी पक्ष संघटना अधिक मजबूत करण्यासाठी महत्त्वपूर्ण योगदान दिल्याचे बोलले जात आहे.
जिल्हाध्यक्षपदी त्यांच्या निवडीमुळे काँग्रेस पक्षाला “नवी संजीवनी” मिळाल्याची प्रतिक्रिया अनेक पदाधिकारी आणि कार्यकर्त्यांकडून व्यक्त होत आहे. आगामी काळात पक्ष अधिक आक्रमकपणे जनतेच्या प्रश्नांवर काम करेल आणि ग्रामीण तसेच दुर्गम भागातील नागरिकांच्या समस्या प्रभावीपणे मांडल्या जातील, अशी अपेक्षा व्यक्त होत आहे.
विश्वजित कोवासे यांच्या नेतृत्वाखाली गडचिरोली जिल्ह्यात काँग्रेसची संघटनात्मक ताकद आणखी वाढेल आणि पक्षाला नव्या उर्जेसह जनाधार मिळेल, असा विश्वासही कार्यकर्त्यांनी व्यक्त केला आहे.नियुक्तीनंतर काँग्रेस कार्यकर्त्यांनी आनंद व्यक्त करत प्रतिक्रिया दिल्या. विनोद खोबे, लीलाधर सुरजागडे, रियाज शेख, श्रावण दुधबावरे, सोनू वाळके, मारोती बरसागडे, मोरू कोटांगले, मिलिंद साखरे ,धनराज वासेकर,परिसनाथ वासेकर,सुनील कुनघाडकर,कालिदास पाल ,संजय मुलकलवार,संदीप सुरजगाडे,संजीत मंडल आणि प्रवीण चन्नावार यांनी विश्वजित कोवासे यांच्या निवडीचे स्वागत करत म्हटले —
“विश्वजित कोवासे यांच्या नेतृत्वामुळे काँग्रेस पक्षात नवीन ऊर्जा निर्माण झाली आहे. पक्ष संघटना अधिक मजबूत होईल आणि जनतेच्या प्रश्नांसाठी पक्ष नव्या जोमाने काम करेल. ही नियुक्ती केवळ एका पदाची नसून कार्यकर्त्यांच्या विश्वासाचा आणि पक्षाला नवसंजीवनी देणारा निर्णय आहे.”
