📰 “भाजपातर्फे मुल तालुक्यातील गुणवंत विद्यार्थ्यांचा घरपोच सत्कार”

📰 “भाजपातर्फे मुल तालुक्यातील गुणवंत विद्यार्थ्यांचा घरपोच सत्कार”

मूल (प्रतिनिधी):

बारावी परीक्षेचा निकाल जाहीर होताच मुल तालुक्यातील विद्यार्थ्यांनी दैदीप्यमान यश संपादन करत तालुक्याचा मान उंचावला आहे. या गुणवंत विद्यार्थ्यांना प्रोत्साहन देण्यासाठी आमदार सुधीरभाऊ मुनगंटीवार यांच्या मार्गदर्शनाखाली गेल्या अनेक वर्षांपासून सुरू असलेल्या उपक्रमाअंतर्गत भारतीय जनता पक्षातर्फे विद्यार्थ्यांचा घरपोच सत्कार करण्यात आला.

यंदा तालुक्यात प्रथम क्रमांक पटकावणाऱ्या ओम भारती सुनिल राखडे यांनी 91.67 टक्के गुण मिळवत उल्लेखनीय यश संपादन केले. तसेच

🔹 द्वितीय: समृद्धी शिलवंत रामटेके – 86.67%

🔹 तृतीय: उत्कर्ष सतीश काळे – 85.83%

या सर्व गुणवंत विद्यार्थ्यांचा त्यांच्या घरी जाऊन पालकांसह पुष्पगुच्छ, भेटवस्तू व पेढे देऊन सत्कार करण्यात आला.

भाजप मुल शहर अध्यक्ष प्रवीण मोहूर्ले यांच्या नेतृत्वाखाली हा उपक्रम पार पडला. यावेळी भाजप नेत्या प्रा. किरण कापगते, महामंत्री डॉ. गुरु भंडारे, माजी नगरसेवक मिलिंद खोब्रागडे, नगरसेविका अश्विनी निकोडे, युवा मोर्चा शहर अध्यक्ष पंकज लाडवे, तसेच बबन गुंडावार, युवराज चावरे, विवेक मांदाडे, सौ. लीना बद्देलवार, गौतम जीवने, सौ. मनिषा राखडे, सुनिल कुकुडकर, सौ. अपर्णा भेंडारे यांच्यासह अनेक कार्यकर्ते उपस्थित होते.

सत्कारमूर्तींच्या परिवाराने तसेच परिसरातील नागरिकांनी या उपक्रमाबद्दल आनंद व्यक्त केला.