🔴 “गॅस टंचाईवर मात; प्रशासनाच्या तत्परतेने नागरिकांना दिलासा – भाजप शिष्टमंडळाकडून अधिकाऱ्यांचा सत्कार”

🔴 “गॅस टंचाईवर मात; प्रशासनाच्या तत्परतेने नागरिकांना दिलासा – भाजप शिष्टमंडळाकडून अधिकाऱ्यांचा सत्कार”

मूल : प्रतिनिधी लोकवाद

युद्धजन्य परिस्थितीच्या पार्श्वभूमीवर मूल शहरात घरगुती गॅस सिलेंडरची तीव्र टंचाई निर्माण झाली होती. वेळेवर सिलेंडर उपलब्ध न झाल्याने नागरिकांना मोठ्या अडचणींचा सामना करावा लागत होता. अनेकांना चुलीवर स्वयंपाक करण्याची वेळ आली होती, तर काहींना उन्हाच्या कडक झळांत दिवसन्‌दिवस रांगेत उभे राहावे लागत होते.

ही गंभीर परिस्थिती लक्षात घेऊन आमदार सुधीर मुनगंटीवार यांच्या सूचनेनुसार भाजप मूल शहराच्या वतीने प्रशासनाकडे पाठपुरावा करण्यात आला. तहसीलदार मृदुला मोरे यांच्याकडे सातत्याने मागणी करण्यात आल्यानंतर अन्न पुरवठा निरीक्षक राजेश शिरभाते यांनी तातडीने दखल घेतली.

त्यानंतर तहसीलदार मोरे यांनी संबंधित अधिकारी, कर्मचारी आणि गॅस एजन्सी प्रतिनिधींची बैठक घेऊन नियोजन केले. आमदार मुनगंटीवार यांच्या पुढाकारातून मूल शहरासाठी गॅस सिलेंडरचा कोटा वाढवण्यात आला. महात्मा फुले आठवडी बाजार येथे वेटिंग लिस्ट जाहीर करून, स्थानिक व्हॉट्सअ‍ॅप गटांद्वारे माहिती प्रसारित करत नियोजनबद्ध पद्धतीने वितरण करण्यात आले.

या प्रभावी नियोजनामुळे अवघ्या एका आठवड्यात गॅस टंचाईची समस्या मोठ्या प्रमाणात दूर झाली असून आता नागरिकांना घरपोच सिलेंडर मिळू लागले आहेत. त्यामुळे नागरिकांना मोठा दिलासा मिळाला आहे.

या यशस्वी कार्याबद्दल समाधान व्यक्त करत भाजप शहर अध्यक्ष प्रवीण मोहरले यांच्या नेतृत्वाखालील शिष्टमंडळाने तहसील कार्यालयात जाऊन तहसीलदार मृदुला मोरे व अन्न पुरवठा निरीक्षक राजेश शिरभाते यांचा पुष्पगुच्छ, शाल व श्रीफळ देऊन सत्कार केला.

यावेळी तहसीलदार मोरे म्हणाल्या, “अनेकदा नागरिक केवळ तक्रारी घेऊन येतात; मात्र समस्या सुटल्यावर प्रतिसाद देत नाहीत. भाजप शिष्टमंडळाने समस्या निकाली निघाल्यानंतर अभिनंदन करून वेगळा आदर्श निर्माण केला आहे. हे माझे कर्तव्य असले तरी असा प्रतिसाद पुढील कामासाठी प्रेरणादायी ठरतो.”

या प्रसंगी नायब तहसीलदारांसह संबंधित अधिकाऱ्यांचाही सत्कार करण्यात आला. कार्यक्रमाला किरण कापगते, उषाताई शेंडे, जीवन कोंतमवार, मिलिंद खोब्रागडे, प्राची आक्केवार, अश्विनी निकोडे, जितू टिंगूसले, पंकज लाडवे, अनिल साखरकर, राकेश ठाकरे, युवराज चावरे, विवेक मांदाडे, संदीप मोहबे, प्रशांत कोहळे, वंश बोबाटे, कुमुदिनी भोयर, आयेशा शेख, गौतम जीवने, सुनील कुकुडकर, वैश्णवी कोलप्याकवार, प्रवीण मोहूरले यांच्यासह अनेक कार्यकर्ते उपस्थित होते.

👉 एकूणच, प्रशासनाच्या तत्परतेने आणि लोकप्रतिनिधींच्या प्रभावी पाठपुराव्यामुळे गॅस टंचाईवर मात करत मूल शहरातील नागरिकांना मोठा दिलासा मिळाल्याचे चित्र पाहायला मिळत आहे.